ذاك التين الزين
elmoumni
04/08/2018
0
323 LECTURES
Actualités - Productions
ذاك التين الزين
****
ذاك التين لسمرالزين
مشروح ولاَّ مجروح
عطشان ولآ شبعان
من ما ذيك العين
لـ جْناح هايم قرة عين
غاب عليها سْنين
من صغرهم متحابين
عشقهم عقل ولاَّ هبال
ولاَّ يا احباب بينُ وبين
الناس فـْ حالْهم حايْرين
وشوقهم باين ودفين
يقدر ينحرهم يْقين
لله يا ذيك الشجره
ما دمتِ خضرا
وجْناك ديما بْنين
سلّمي لي على "خضرا"
عذرا صْدَاقها غالي
عفَّه وعزّ ونفْرا
و بـ غير الصّدقُ ولَوْفا
بـ كنز الدنيا
ما تَباع
ما تّشرا
إلاَ رماتك بـ نظرا
تصرعك لا محال
وتدّيك لـ حضره
تولِّي هبيل
ومنها عمرك ما تبرا
ماها خمرا
لذَّه بْلا سكرا
وتعوم فـ غمْرا
وبعدها..
ترفعك
من المـا لـ السما
طاهر طايربلا جنحين
وتحطك دون السدره
ومن وْرا حجاب وستره
وتمَّ تمَّ..
تعرف سر الخلق ف ما
نابَع مَن بير وعين






COMMENTAIRES

Commentaires reservés aux membres ahfir.com





adminx
18/08/2018
Liste des produits monsanto à éviter en europe (2018)
samirdehmej
17/08/2018
لقاء اولاد الدرب
adminx
16/08/2018
كل حرب تسبقها أكاذيب إعلامية ؛ مؤامرة - فيديو
samirdehmej
15/08/2018
الآن حادثة سير خطيرة قرب باشوية أحفير
ebensennaa
13/08/2018
المدينة الحاضرة الغائبة تاوريرت المنسية – الحلقة الثالثة